السلام عليكم كثيرا ما نسمع بجملة
لا أدري هل هي مثل شعبي أو حكمة؟
وهي الدنيا فانية وإلي عليها فاني...
أحببت أن أكتب عليها أبيات......
قليل ما أكتب بالهجة الليبية
بس عندي محاولات......
يامن الدنيا عاجبك زهواها
هيا فانية وإلي عليها فاني
حتى إن كان ضحكتلك وطال هناها
راك جيتها وترحل كما البراني
على الأخرة أخدم وما تنساها
الموت واجبة ع الكل قاصي وداني
ترمي على غفلة إلي واتاها
صحيح مريض طفل أو شيباني
تخرج الروح تروح لمولاها
وينساك هلي تقول ما ينساني
هكي الدنيا ربنا خلاها
دار امتحان تقيس كل إنساني
تذوق مرها وتذوق من حلواها
والصبر فيها طب للي يعاني
تقبلو تحياتي.....أخوكم رياض
هناك 5 تعليقات:
السلام عليكم
سامحوني بالله راني غاطس في القراية وديما نروح متأخر من المستشفى ويادوب نحصل في ساعة نوم معاها ساعتين قرايا وخلاص راح النهار...بس مش تقلو فتنا ودار صحاب تانيين راهو لابديل لطعم الأصيل وصداقتكم مايتعلاش عليها...يلا خلوني نشوف تعليقاتكم...وسلاااااام
اهلا اهلا معدور يا رياض ربي يوفقك
وكل متفضي تفكرنا مش تقطع مرة وحدة
ومزااال تعليقي التاني حنرجع
رياض
مرحبتين والله مخلى مكانك
ربى يعينك وان شاء الله نشوفوك دكتور وفى المكان الى تحبه يا رب
وخيتك مى
السلام عليك
تسلم
مشاءالله
والله عطمه
اهو كيف بندير احتجاج علي غياب
بس لم تطلع بحاجه حلوه هكي
تسلم
اختك
فتاة من زمن اخر
مشاء الله تبارك الرحمن
انا فعلا بنبدا نغير و نحسد شكلي هههههههههه
مشاء الله مشاء الله
ربي يكون في عونك بس عاد مره مره طل علينا مش تغطس بكل
يلا سلام
إرسال تعليق