السبت، 6 سبتمبر 2008

أفراح


في مثل هذا اليوم من شهر 8 كان فرح أختي
العقبة للي مازال وأفراحكم دايما وشموعكم دوم ضاوية
بس عندي وجهة نظر مش عارف توافقوني عليها أو لا
أنا عندي الزواج صعب من الطرفين من الزوج بأنه يتحمل مصاريف العرس كلها عكس الدول الثانية بحيث يكونوا الطرفيين متعاونيين
ومن الزوجة بأنها حتعيش حياة أخرى مغايرة بحيث يكون حوش زوجها بيئة أخرى تختلف عن بيئة حوشها إلي تربت فيه
عطوني أرائكم ودامت أفراحكم

هناك 8 تعليقات:

Nasimlibya `√ يقول...

ماااااااااشاء الله ناشط يا دكتور غبت ساعات لقيتك منزل كذا بوست جديد حتي حرت منين بنبدا
:)
ع العموم انت شن الفكرة اللي بتطرحها ؟؟
يعني مفروض الحوش ع العروسة مثلا ؟؟
X < X
هو لو ع التعاون حاليا معظم الفتيات يساعدو لو مش ف مصاريف العرس تلقاهم بعدين يساعدو بمرتباتهم واكثر حتي اهل العروس تلقاهم يساعدو فيها و ف زوجها
مش عيب اكيد اصلا الحياة تعاون
راي اكيد لازم الطرفين يساهو بش يحسو بقيمة التعاون والفة
عقبالك بس بعد متتخرج وتشتغل وتكون نفسك
خلي نشوف ادراجتك التانية ياله سلام

Eng.Ramez Enwesri يقول...

ألف مبروك والعاقبة للجميع

ولك التحية
هذا مروري الأول

riyadh يقول...

لا مش هكي بس إنت عارفة قصة العقار غالي عندنا في المنطقة الغربية يعني مثلا الشقق من 60 وطالع
وحاجة ثانيه غلا المهور نعرف واحد دروله مهر 20 ألف لأن أهل البنت عارفينه متفتفت (ذايب) ويبي البنت
ونعرف شخص أخر مهر 8 ألاف
قصدي نحكيلك على الأقل تخفيف المهور
حتى الربع جنيه يشكروا فيه؟؟ هههه
ومشكورة يا نسيم ونمسي عليك بالخير

riyadh يقول...

عقبالك إنت يا نسيم
أما ~أنا محيتها فكرة الزواج من دماغي أصلا ما عنديش luck ومانطيحش إلا إلي مدايرة علاقة سابقة ومتعاركين ومدايرتني زي الكوبري بعدين وين تصفى الأمور ترجع المياه لمجاريها ونطلع أنا على لوحة
مريت بتجربة سابقة وللأسف فاشلة ونادم حشاك بناكل الجيفة
والحمد لله ما فيش كيف الوحدة قال الشاعر أنست بوحدتي ولزمت بيتي فدام ليا الهناء ونمى السرور وأدبني الزمان فلا أبالي هجرت فلا أزار ولا أزور

Nasimlibya `√ يقول...

محيتها علاششششششششششششششششششششششش؟؟؟
خخخخ تقصقيص
عجبتني كلمة كوبري هههههههه يعني زي حلقة وصل ياله هدي العلاقات شن بتدير ميجي من وراهم الا الصداع
لالا خليك هكي فاضي خير وفكر في قرايتك ومستقبلك وبعد متكون نفسك وتاخد الدكتوراة وتولي بريفسور وتمشي للعمرة والحج وتدير عيادو وبعدها مستشفي فكر في الزواج
شن رايك درتلك خطة عمل لو تمشي عليها تعيش ف سعادة
:)

riyadh يقول...

على طول ومش سعادة عادية
سعادة أبدية مش خير؟
هي الحكاية الحمد لله مستورة وكل شي في مكانه بس جربت حظي وخطبت وما فيش فايدة
والله يكون في عون الجميع
ومشكورة بالهلبة على مرورك الجميل والرائع

ASMA يقول...

حبيت اولا نعلق علي الحوار اللطيف بينك وين نسيم ..ونقولك كلمة لازم تخليها ديمة في باللك ان "الخبطة اللى ماتقتلش تقوي "وهكي ربي خلقنا نغلطو ونشوفوا الغلط قدامنا عشان نتعلموا مش نأيسوا من الحياة ونحسوا ان كل من حوالينا غلط
لازم تاخذ قرار جديد انك تجرب حضك وتختار بعقلك المرة هدي او حتي قلبك لان الاثنين تعلموا من المرة السابقة ..
بس بعد التخرج اكيد ..ربي يوفقك ويفرحنا بيك
واختك يارب تشوف اولادها
وغلاء الزواج مشكلة عامة في كل الوطن العربي وماعندي مانقول فيها الا ربي يساعد الشباب ..عشان يساعدوا البنات ههههة

غير معرف يقول...

وأنت الصادق خوي .. شكورطة مش كوبري هاهاها تي منو الي مانحطش في المواقف هذي قبل هكي غير قول بس هاهاها كلنا زيك و أحرف وماتاخدش في بالك ,, بنت تفوت ولا حد يموت !

أسمع كلام أختك نسيم ليبيا .. ألهي خوي في قرايتك و فكك من الحب وسنينه و بعد ماتكمل دراستك و تخدم سنه ولا ثنين فكر في البنت و أبدي دور علي بنت الحلال و أكيد مليون الف بنت تتمنى ترتبط بواحد في ذوقك و أخلاقك و درجتك العلمية ..

أما بالنسبه للعادات و التقاليد الاجتماعيه فهذي تبي أعادة نظر في مجتمعنا الليبي السعيد .. تي تبي الحق مش غير العادات الي تبي التغيير و الثوره عليها تي المجتمع نفسه يبي أعادة تاهيل من أساسه هاهاهاها


يالله توى نستأذنك خوي و إن شاء الله رمضانك مبروك يارب