إحذروا هذه المنتجات فإنها تمس ديننا الإسلامي فعلامة D&G ترمز للأول زوجيين من جنس واحد
وهذا يتنافى مع طبيعة الحياة ومع ديينا الحنيف فقد رأيت بعض الشباب الليبي يرتدون هذه التياب وعليها هذه العلامة دون وعي منهم للأسف..
تقبلو مني هذه المقالة ولكم مني جزيل الشكر والعرفان
هناك 9 تعليقات:
السلام عليكم
جزاك الله كل خير على المعلومه
بالنسبه ليا انا نعرف ان
D&G
الحروف الاولى للمصممين
Dolce and Gabbana
but i had no idea that they are couples!
thankx
لا الكلام أكيد هادو أسماء أزواج من جنس واحد وقالوا عليهم مصممين كمجرد زوبعة فقط لا غير
ولاكن كلامي صحيح وأكيد بإذن الله
تعقيباً على كلامك... العلامة فعلا تمثل الحرف الأول لكل من اسمي المصممين الايطاليين Dolce و Gabbana... وهما فعلا مصممين مش زي ما قلت انهم قالو عليهم مصممين كمجرد زوبعة في فنجان...الحقيقة انا ما فهمتش من تقصد بكلامك انه أثار الزوبعة في الفنجان
هما مصممين ازياء وهذا أكيد...وهما شاذين وهادا اكيد برضو...لكن انا عندي وجهة نظر في الموضوع... شخصياً ما نقبلش الشذوذ..بس في حالة زي هادي...شنو علاقتي بيهم لو كانو شاذين أو لا؟... هل لي علاقة مباشرة؟ هل انا لو لبست أي من منتجات دار الأزياء هادي معناها اني مع السلوك هادا؟
مع العلم اني مش مهتمة اني نشري "ماركات" زي ما نقولو...ولا نهتم أبدا أني نبين ماركة الحاجة اللي نلبسها... بهمني مظهري يكون مرتب ومميز..بس ما عنديش الهوس بالماركات... هادي المعلومة للتوضيح بس عشان ما حد يقول اني ندافع عليهم لأني ما نقدرش نستغنى على منتجاتهم ولا حاجة D:
عودة لموضوعنا... انا ما نشوفش اني لازم نحاكم الأشخاص على اختياراتهم الشخصية ..هادا شي يخصهم...انا معاك اني نقاطع منتجات شركة معينة لو اني نعرف على وجه التأكيد انهم مثلا ليهم علاقة بنشاط لا أخلاقي يضر الغير...الرقيق الأبيض مثلاً... لكن زي حالة المصممين هادو...هما حرين...لأن السلوك هادا ينعكس عليهم هما الزوز بس...يعني هما مش ينادو بأن كل الناس يكونو زيهم...هادا اختيارهم هما...وهنا انا مش قادعة نلقالهم في أعذار... بس اللي نقصده انه شنو بنتأثر انا لو استعملت أي حاجة من منتجات مؤسستهم؟ هل حانكون شاذة او ندعم الشذوذ ونننادي بيه؟ أكيد لا
نقطة أخيرة...من وجهة نظري ما نقدرش نقيم المجتمعات التانية بناء على الخلفية الثقافية أو الدينية لمجتمعنا...تهيألي انه مش منطقي.
كليمة أخيرة...مش كفاية انك تقول ان كلامك اكيييد وصحييييح...لازم من الاثبات (:
وهادا أول مكان تلقى فيه إشارة لعلاقة المصممين هادو ببعض:
http://en.wikipedia.org/wiki/Dolce_&_Gabbana#cite_note-Vernon-0
واللي مهتم اكتر يقدر يزيد يدور...فيه لنكات في نهاية الصفحة تعطيك معلومات زيادة
تحياتي :)
شكرا على المرور الرائع ونحترم وجهة نظرك
صحيح ما نتأترش بسلوكهم ولاكن نحنا زدناهم خطوة للقدام
ويكفيك نظرة المجتمع ليك بايخة جدا لازم الواحد يلبس إلي يتماشي مع دينه
بعديين في الأسواق موجودة كل الماركات وإلي سمعتها تمام علاش ننقز على هذه بالذات؟
ومن وجهة نظري مثلا لابس التيشرت بتاع D&G وماشي في الشارع وفجأة أذن الظهر هل من اللائق نخش للمسجد بهذا التيشرت
وشني حيكون منظري أمام الله عز وجل
وأنا أشكرك جدا جدا لأن فعلا أسلوبك ممتاز في النقد ونعتبره نقد بناء مش هدام وإلى الأمام
قبل ماأنسي ..
أزياء دولسي أند قابانا من الازياء المحتشمه بالمقارنه بمصممين أخرين و من بينهم مسلمين حتى .. للعلم فقط!
كنت قد كتبت تعليقا مطولا ولاكن لم يظهر أعتقد أنه خطأ في الارسال .. أسف جدا
تعليقي كان كما يلي و بأختصار شديد .
دولسي أند قابانا من الشواذ هذه معلومه قديمه و لم تحضر شيء جديدا في هذا الخصوص وأغلب مصمميم الازياء و الديكور و الجرافك ديزاين الخ الخ المحتاجه لخيال و ذوق رفيع تسعين في المئه منهم شواذ بشكل أو بأخر ...
المعنى الي نبي نوصلهولك أنك عمرك ماتحكم علي المنتج من شخصية الشخص الي أنتجه لانه ماليهاش علاقه ببعضها ...
علي سبيل المثال لو عندك حوش تبي تصممله ديكور و ماعندكش وقت ليه و تعرف مكتب ديكور مشهور بتصاميمه الراقيه و الحلوه و بعد ماتفاهمت معاهم و دارولك الديكور المطلوب و بعدها بفترة سمعت أنهم شواذ شنو معاش يصلحك تصلي فيه حوشك ولا تمشي تكسره ولا شنو تدير بالظبط ؟
وحتى لو قلنا أنك ماعندكش مشكله تتقبله و تقول الي صار صار و عندك حوش ثاني تبي تديرله ديكورات .. تتعامل معاهم ولا تمشي لمكتب جديد ماتعرفش عليه حاجه ؟ مع العلم أن خدمتهم فوق الوصف من سرعة و أثقان و وجودة ؟
بالنسبه ليا حنتعامل معاهم و مش حندور شنو يكونو هما بالظبط ..لاني نبي خدمه منهم مش بنرقد معاهم .. فهمت قصدي ولا نزيد نشرحلك؟
وبعدين م الاخير بكل .. المسئلة مسئلة أختيار و ماحدش يغصب عليك تدير شيء أنت مش مقعتنع بيه .. ولا أني غلطان؟
سلام
لكل منا وجهة نظر
ولاكن أنا ممصم عل الراي نفسه
وأنا مش مغصوب نلبس هذه الماركة
بعدين ما مهياش ميه ولا أكسجين
وهذه فاحشة يقشعر لها الجبين
وأنا ضد الكلام هذا
لأنهم يشوشوا في صورة الإسلام
زي مادار الحقير الرسام
عندما أظهر رسولنا بصور تتنافي مع معالم الإسلام والمجتمع العربي تفاهم كله على أن يقطع منتجات الدنيمارك
وأنا نساند الفكرة
وشكرا
توى أنت بديت تخلط وتجلط بجديات .. شكلك صايم رسمي هاهاها
تي شنو دخل الرسومات الكريكتيرية في موضوع دولشي أند قابانا ؟ ماتقوليش صممو حاجه ضد الاسلام .. نهارهم الي يدورو فيه .. حنمشي نلوح كل أحذيتي و ملابسي الداخليه و التجيبوتي الي عندي منهم ... الويل للأعداء هوووجووووم !!!
تي شنو هالمنطق الغريب ياخوي رياض ؟ أي نعم نعرف أن من حقك تقاطع و تفاصل و تعارض وتـــ ... الخ الخ من الكلام الي فالحين نقولو فيه و ماحدش يطبق فيه أصلا .. لاكن !!! هل حتوصل لنتيجه من الكلام الي أنت كتبته ؟
ياريت والله و أني نشد علي أيدك ...
بالمناسبة أنت تعاقب في منو بالظبط ؟ تعاقب في المصممين الي طلعو في أخر حلقة شاذين ولا تعاقب في نفسك بأنك تحرمها من حاجه هيا نفسها فيه؟
قول قول ماتتحشمش .. بكشي عاجباتك تي شرت ولا سروال من دولسي قابانا ومش قادر علي حقه ؟ عادي راهو نسلفوك مش مشكله هاهاها نبصرو ياراجل مش تاخدها بعصبية و تعفليق زي ردك الي فات ناقصك غير تطلع تضربني كفين و ترجع تقعمز علي جهازك ثاني !!!
كل شيء بالهداوة نوصلو بيه لحل صدقني و مافيش حاجه بالعصبيه و التعصب تنحج في هالدنيا ...
عارف أن منتجاتهم مش هواء ومش أميه باش تشريها ولا مغصوبه عليك تشريها ولا حتى تشوفلها .. بس مش منطقي تحجر علي غيرك التعامل معاهم علي أقل تقدير .
الي عنده مرض زي المرض هذا ماتقدروش نقاطعوه و نعزلوه .. لو تحب تناقش موضوع الشذوذ و نحاولو نوصلوله لحل فأني موجود بس ديرلي دعوه و أني نجي هاهاها لابس دولسي قابانا بوت مش عادي بكل هاهاها
يالله صيامك مقبول إن شاء الله و صحه فطورك و شريبتك
ما تقولش خيرك تسأل وتجاوب بروحك من قال أنا بناخدها بعصابية وبنضربك
علاش على خاطر ماركة,,,حني في نهاية أخوة عجبك كلامي أوكي ماعجبكش إرميه
شكلك عندك سهم ولا إثنين في هذه الشركة هههههههه
مشكور على المرور
إرسال تعليق